Sælir félagar

Sæmundur í Borgarnesi  var að hringja og ætlar hann að taka á móti okkur með viðhöfn á morgun.

Eru ekki allir að verða komnir í gírinn ?

Þó nokkrir hafa látið skrá sig en þar sem X874 tekur 54 farþega þá eru enn einhver sæti laus.

Sjáumst hress.

Kæru félagar.

Vonandi eru allir búnir að taka laugardaginn 12. maí frá því nú liggur ferðaáætlunin fyrir.

Stefnan verður tekin upp í Borgarfjörð með viðkomu á nokkrum góðum stöðum eins og safninu á Hvanneyri og vonandi hjá Sæmundi sjálfum. Hann er mjög spenntur yfir að X874 skuli vera á leið í Borgarfjörðinn og gerir allt til að fá sig lausan til að missa ekki af okkur.

Hugmyndir er svo að borða á Akranesi á leiðinni heim.

Farið verður frá Sólningu á Selfossi kl. 12:00 og frá BSÍ kl. 13:00 og áætluð heimkoma er fyrir miðnætti.

Glasalyftingar verða leyfðar um borð að hætti hvers og eins og fargjaldið er 2500 kr. á mann.

Endilega látið fréttina berast og hvetjið gamla félaga til að koma og eiga góðan dag með okkur hinum.

Skráning þarf að liggja fyrir á föstudaginn um                         hádegi og hana má tilkynna til Eyvindar í s. 8942371,

Fúsa í s. 8920473 eða  Helga í s. 8916410

Kveðja, stjórnin.

X853 Er kominn á götunna eftir ýtarlega uppgerð á boddý og krami,hefur verið á ferðinni síðan 1970 og verður trúlega nokkra áratugi í viðbót á ferðinni um hálendi Íslands.Spurning um að panta hann í þórsmerkur ferð.

Sælir félagar nær og fjær.

Nú hefur verið ákveðið að fara í vorferð á X 874 þann 12 maí.

Við vonum að sem flestir sjá sér fært að mæta því  þessar ferðir hafa laðað fram bros og ánægju um langa hríð á eftir. Takið daginn frá og mætið með góða skapið.

Nánari ferðatilhögun verður auglýst síðar.

 

Kveðja Stjórn Selfossrútunnar.